Proverbs 11
11:1 Bukna dik lo hi LALPA mithmuhin thil tenawm ani a, khin dik chiah erawh chu a lawmzawng a ni.
11:2 Chapona a lo awmin mualphoin a lo awm a, inngaitlawmte hnenah chuan finna a awm.
11:3 Mi fel rilru thatna chuan anmahni a hruai ang a, mi vervekte luhlulna erawh chuan anmahni a tiboral ang.
11:4 Thinur ni chuan sum leh paiin tangkaina a nei lo ang. Felna erawh chuan thihna ata a chhanchhuak ang.
11:5 Mi tha famkim felna chuan a kawng a kawhhmuh ang a; mi suaksual erawh chu ama suahsualnain a titlu ang.
11:6 Mi dik tak felna chuan anmahni a chhan chhuak ang a, vervek taka titute erawh chu anmahni pawikhawihna ngeia manin an awm ang.
11:7 Mi suaksual chu a thihin a hmachhuan chu a boral ang a, thil tha lo titute nghahfak chu a boral ang.
11:8 Mi fel chu manganna ata chhuakin a awm a, mi suaksualin a hmun chu a luah thung a.
11:9 Pathian ngaihsak lo mi chuan a kain a thenawmte a tiboral a, mi fel erawh chu hriatna vangin chhanchhuahin a awm ang.
11:10 Mi felte chunga thil a tluan laiin khua a hlim a, mi suaksualte an thihin au dur durna a awm a.
11:11 Mi felte malsawmnain khua chawimawiin a awm a, mi suaksualte ka erawh chuan a tichhia.
11:12 A thenawm hmusittu chua fina a nei lo a, hriatna nei mi erawh chu a ngawi thin.
11:13 Mi kamtam tei ruai mi chuan thurukte a tilang a, mi rilru rinawm nei mi chuan thil a thup thin.
11:14 Inhruaina fing awm lohnaah chuan mite an tlu thin a, remruat thiam tamnaah himna a awm.
11:15 Tupawh ram dang mi tana mawhphurtua insiam chuan lungngaihna a insiam ang a. Mawhphurtua insiam hawtu erawh chuan ngaihngam taka awmna a nei.
11:16 Hmeichhe tha chuan zahawmna a chang ang a, pawng lak ching miin sum a chang ang.
11:17 Zahngaithei mi chuan ama nunna atan tha a ti thin a, mi nunrawng erawh chuan ama tisa buaina a thlen thin.
11:18 Mi suaksual chuan bumna hlawh a dawng thin a, felna tuhtu erawh chuan a tak tak hlawh a dawng thin.
11:19 Felna nghet taka ding mi chuan nunna a chang ang a, thil sual umtu chuan ama thihna.
11:20 Mi rilru kawhmawhte chu Lalpa tana tenawm an ni a, an kawnga mi fel famkimte erawh chu a lawmzawng an ni.
11:21 Inthurual mah se la, mi suaksualte chu hrem lohin an chhuak lo ang a, mi fel thlahte erawh chu chhan chhuahin an awm ang.
11:22 Hmeichhe hmeltha ngaihruat thiamna nei lo chu vawk hnara rangkachak khang vuah ang a ni.
11:23 Mi fel duhthusam chu thil tha chauh a ni a, mi suaksual hmachhuan erawh chu thinurna a ni.
11:24 Sem darh chu pun lehzualna a ni a, mamawh tawka liam kawmpui chu tlakranna a ni.
11:25 Mi thilphal nunna chu tihthauin a awm a, tui leih thintu chuan mahni pawh a inleih a ni.
11:26 Buh kawmpuitu chu miin anchhia an lawh ang a, a zuartu lu chungah erawh chuan malsawmna a awm ang.
11:27 Thahnemngai taka thatna zawngtu chuan duhsakna a zawng a ni a, pawikhawih tur zawngtu erawh chu, ama chungah a thleng ang.
11:28 A sum ring mi chu a vuai ang a, mi fel erawh chu hnim angin a duah ang.
11:29 Mahni chhungkua tibuaitu chuan thli a rochung ang a, mi a chu mi thinlung fing chhiahhlawhah a awm ang.
11:30 Mi fel rah chu nunna thing a ni a, mi fing chuan mi rilru a hneh thin.Ngai teh, mi fel mah leiah hian thungrulh an nih chuan, mi suaksual leh thil tisualtu chu eng ang taka nasa lehzual ni ang maw!
11:31 Ngai teh, mi fel mah leiah hian thungrulh an nih chuan, mi suaksual leh thil tisualtu chu eng ang taka nasa lehzual ni ang maw!