Psalms 125
125:1 Lalpa ringtute chu Zion tlâng, tihnghîn rual loh, Kumkhuaa awm reng tûr ang chu an ni.
125:2 Tlângte chu Jerusalem vêla a awm angin, Lalpa chu a mite vêlah a awm ṭhîn, Tûn aṭanga kumkhuain.
125:3 Suahsualna laltiang chu mi fel ram chan chhûngah chuan a innghat dâwn si lo; Mi felte chuan an kuttea khawlohna an ban loh nân.
125:4 Aw Lalpa, ṭha taka awmte chungah chuan ṭha takin ti ang che, An thinlunga dik taka awmte chungah pawh.
125:5 An kawng kawitea pêngho erawh hi zawng, Lalpa chuan thil tisualtute nên a hruai chhuak ang. Israel-ho chungah chuan thlamuanna awm rawh se.