Library · czt

1 THESALON

Baebu Thyaa

1 THESALON

1 Thessalonians

1 THESALON

1Th

THESALON HAE

KALAN PAUL CCAKY KYKHEITNAW

1 Thessalonians

Byalaanmaw

Thesalonika khua hynh Rom nynh a ukpaw Mesidonia pee kya-e khuapi nynh thua. Filipi khua kha a cciataw koute hynh-e khua kya Paul nynh Khriccaawbuu a rae. Thuasalama aro mawze Judah beiknaw kalan thinlung a pya hae paw Judah ccungccaw athua lei hae paw laku kya Paul nynh Khriccaaw phung a hopaw tuh taenaw a mue keiccuze Juda hae kyate dounaw te eiungnaw a hoi hae. Paul tuh pahepatote Thesalonika khua kyate Berea lang a cciasah hae. Korin khua a thua koute Paul nynh Thesalonika khua e khriccaawbuu konglang kha ryalahkheihtu Timote kyate a thae.

Thesalon hae kalan Paul Ccaky Kykheitnaw hynh tuin kya-e Khriccaaw hae thawpyanaw te lungthang leite atyn kho nawlan hae zeipaw nynh thua. Mih zynnaw te sungsahnaw konglang a thae vae ze a luung hae. Mih kya a um lyaze a hiinzia bua a liathuisah hae, te Khri rungnaw konglang Khriccaawbuu kyate a poupaw kha a phipya hae: Khri rung maw kya a chih hae paw zyntu hae hynh oun rung vae hae ze zungzae hiinnaw lungkhu kya a umbua cih hae tou? Hohtuhmou Khri yn rung cih? Khri rungnaw ngaehoite na ngaw lya oh hynh daebabi lan nae rya hynh lawkuh oh, cite Paul nynh a cipya hae.

Alungkhu Umpaw

Byalaanmaw — 1.1

Lungtuanaw te thehoysahnaw — 1.2—3.13

Khriccaaw hiinzia hanlan tuhounaw — 4.1-12

Khri rungnaw kong ccangpyanaw — 4.13—5.11

Nyathyakou tuhounaw — 5.12-22

Athangnaw — 5.23-28