Library · czt

PHUNGHOTU

Baebu Thyaa

PHUNGHOTU

Ecclesiastes

PHUNGHOTU

Pht

PHUNGHOTU

Ecclesiastes

Byalaanmaw

Phunghotu ccauh kyahin, byakhu tuatu mihawpaw a tuanaw te a muihnaw kha a um. Tuh-e paw nynh ccungccaw hiinnaw tuh dyn zah arawsekuhpaw tuanaw te phe beih zah ngaeangthua lan umpaw dingleinaw te accakaepaw athuanaw kong kha hoyte tua zah, “ccungccaw hiinnaw hynh accakaepaw nynh thua,” a ci. Ccungccaw hiinnaw athangnaw a uktupaw Pachia paccynnaw kha aning nynh nyh kho khyh. Tuhzemah, tuhcite a la thua zemah, aning nynh ccungccaw hae kha ryalaw zuaku lan te Pachia lasung kha lungtuakhaeku khonaw ciate lungtuakhaeku lan tuanaw a pya hae.

Byakhu tuatu mihaw hae patae tuh alunghua lan hoyleinaw langsang te leih do hae zah lungro lan kou um. Thuasalama Baebu lungkhu kya hynh-e ccauh a umnawpaw hynh Baebu lungkhu e zynnaw tuh tuhcihawpaw hoyleinaw langsang te muihnaw te lunghiinnaw kha akote tua kho nawlan nynh thua. Ccungccaw patae nynh Phunghotu ccauh muinsado kyahin mimaw te mimaw kha dokuh hae zah lungtangnaw a mue hae, e tuanaw-roihnaw azeikunaw Baebu kyahin asung-epaw hiinnaw a pya khotu Pachia kya ngaehoinaw a um cipaw a ny hae.

Abyalupi hae

Hiinnaw hynh eenaw a hoi tou? 1.1—2.26

Hiinnaw kong byaphung hae 3.1—11.8

Nyathya tuanaw pyanaw 11.9—12.8

Thangsahnaw 12.9-14