Library · czt

FILIPI

Baebu Thyaa

FILIPI

Philippians

FILIPI

Fil

FILIPI HAE

KALAN PAUL CCAKY

Philippians

Byalaanmaw

Filipi hae kalan Paul Ccaky hynh Paul nynh Europe ram, Rom nynh a ukpaw Mesidonia pee kya masaty a raepaw khriccaawbuu kalan a kypaw nynh thua. Thong kya Paul a um lya, ccangpaw Khriccaaw ryalahtu hae nynh dou hae zah, vawsawnaw a tung lya te Filipi khriccaawbuu kya ccangpyaseinaw nynh lungriathaenaw a pya lyaze a ky hae paw nynh thua. Tuh-e ccaky tuh lungtuanaw te ngaengannaw khate beih zah Paul nynh Jesu Khri kya zynnaw akhupi a hoinaw liate tuh-e tuh a langsah.

Thong lungkhu ahobou ccyh kyaze amaw bawm nawlan Filipi Khriccaaw hae nynh lasung oun ky hae paw lungtuanaw langsaku nawlan zeipaw ccaky nynh thua. Amaw nynh minmin tuh runaw teing hae salamah lungthawsaenaw te lungtynnaw a hoi nawlan hae ccyhhoy a muepaw kha mah minmin thawpya nawlan a mang. Pookunaw, karankunaw te ukpaw thua leite Jesu ozia zakawsangsakunaw a hoi nawlan hae thawccinaw a ngia hae. Khri ryte minmin hiinnaw kyngkunaw tuh Judah kawbya phunglang hae zuinaw liate thua leite zynnaw liate a ccou hae paw Pachia thawccinaw lasung nynh thua. Khri te a kyngkuh hae paw kya Pachia nynh pyapaw daenaw te lungtuanaw kong kha mah a zei.

Hynh-e ccaky kya lungtuanaw, ngaengannaw, lunglokunaw te Khriccaaw zynnaw te hiinnaw kya teing khonaw hae hynh mah syntaw nawlan te a langsah. Filipi khriccaawbuu kya Paul nynh myarya a sungsahnaw hae kha a langsaku.

Alungkhu Umpaw

Byalaanmaw — 1.1-11

Paul umnaw kya uccaw acyihkuhpaw — 1.12-26

Khri kya hiinnaw — 1.27—2.18

Timote te Apafroditas hanlan paccynnaw hae — 2.19-30

Ri lan hae paw te rhaw hae raeringnaw pyanaw — 3.1—4.9

Paul te Filipi e ruiban hae — 4.10-20

Athangnaw — 4.21-23