Library · czt

PHUNGTANGBYA

Baebu Thyaa

PHUNGTANGBYA

Proverbs

PHUNGTANGBYA

Ptb

PHUNGTANGBYA

Proverbs

Byalaanmaw

Phungtangbya ccauh hynh beiknaw lante thuasah, ziazae lante thuasah ccangpyanaw hae kha pydete byaphung te phungtangbya lang a ccakhung hae paw nynh thua. Alunghua tuh nin takyh ah hiinnaw kya ah tung oh paw te asekuhpaw ccangpyanaw nynh thua. “Bawipaw rawrinaw tuh hawnaw athonaw nynh thua,” (1.7) cikuhpaw kyate tho zah beiknaw lante ziazae kong kyalya thua leite mawtemaw nyku lanpaw hiinzia te ozia hoypaw kong kha mah a ho. Ahawpaw ccungccaw nynh byathan ccangkhakheit a tung lanze pawtemou rya a lah cih cipaw kong kha dyntarawpaw a byaphung hae patae mangte a ccangpyapaw hynh do lanze, langmawlya e Israel ccangpahtu hae hawnaw kha muih kho athua. E bya hae abang tuh innbyn ccuepekunaw te sekuh zah abang tuh kungkunaw kya ccuepekunaw te asekuh. Abang tuh ccungccaw zapi laku kya pawtemou um lan cipaw kong thua zah, abang tuh mawtemaw sungku kho ahonaw kong nynh thua. Zakawsangsakunaw, ngaesangnaw, ryachi hae sawtuanaw te ruiban hae tungvaw lungzinaw kong kha patae a ho.

Abyalupi hae

Hawnaw thehoysahnaw 1.1—9.18

Solomon phungtangbya 10.1—29.27

Agur bya 30.1-33

Byaphung aphuinphuin 31.1-31