Library · czt

SAM 75

A Ryalaw hanlan Pachia Thehoysahnaw

Asaf Hlaw

1 Pou Pachia, kaening nynh nang kha

the kae hoysah;

na min tuh kae naeku keiccuze

na the kae hoysah.

Ccungccaw hae nynh ngaeangthua lan

umpaw na cyipaw kong kha a ho hae.

2 Ka khyapaw accyh azaw te,

dingnaw te bya ka pia cih.

3 Laephi te laephi kya umpaw

ahysuepaw balyn hynh

he a hy hae te,

laephi atung hae a tynsahpaw tuh

kamaw nynh ka thua.

4 A pookuh hae paw kyakhe,

“Pookuh nan oh,” cite

ka hopah hae zah,

ccungccaw hoylei hae paw kyakhe,

“Na lysakunaw oh paw ki kha

hangthung nan oh;

5 nae ki kha ahangnaw lang

hangthung nan oh,

lysakute byaho nan oh,”

cite ka hopya hae.

6 Byapianaw hynh nithua,

niccaw langte thuasah,

palung, alia langte thuasah

yn thua khyh;

7 byapiatu tuh Pachia thua zah,

lu kheit kha sahbung zah,

ccangpaw lu kheit kha a hangthung.

8 Bawipaw kuih kyakhe

banang ccangkheit a um,

tuh-e banang kyatuin amynkhuhpaw te

pykuhpaw ruithyapaw misutui a um,

aning nynh tuh-e tuh moh a lae cih zah,

laephi vaw e

ccungccaw hoylei hae paw nynh

a dangdy balyn kha phe thang lan

a neih cih hae.

9 Thuasalama kae tuh

zungzae ka lungtua cih;

Jakob Pachia kha thehoysahnaw hlaw

ka sah cih.

10 Ccungccaw hoylei hae paw

mih ki balyn kha ka khya cih,

thuasalama miding hae ki tuh

hangthung athua cih.