Library · yue

羅馬書 3

1 照噉樣講,猶太人有乜地方勝過異邦人呢?割禮又有乜價值呢?

2 事實上各方面都有。第一,上帝將佢嘅信息交俾猶太人。

3 即使佢哋中有背信嘅,上帝因為噉就成為唔信實嘅咩?

4 當然唔係!甚至人人都虛謊,上帝仍係真實嘅;好似聖經所講:「你發言時,顯為公義,受指控時,一定勝訴。」

5 若我哋嘅不義能顯明上帝嘅公義,我哋就點講呢?上帝懲罰我哋,係佢不義咩?(我係照人嘅想法講嘅。)

6 當然唔係!若上帝係噉樣,佢點能審判世界呢?

7 若我嘅虛謊能使上帝嘅真實更加顯明,更得榮耀,噉就點解我重要被判為罪人呢?

8 點解唔話:「等我哋作惡以成善呢?」有啲人指控我講過噉樣嘅話;佢哋被定罪係應該嘅。

冇義人

9 噉樣,我哋猶太人勝過異邦人咩?總唔係呀? 我已經指出,猶太人共異邦人同樣處喺罪惡嘅權勢下。

10 好似聖經所講:「未有義人,連一個都冇。

11 未有明智嘅,亦未有尋求上帝嘅。

12 人人背離上帝,一齊走入歧途;未有行善嘅,連一個都冇。

13 佢哋嘅喉嚨好似打開嘅墳墓;佢哋條脷講盡詭詐嘅話;佢哋嘅嘴唇發出蛇一樣嘅毒氣;

14 佢哋滿口惡毒嘅咒罵。

15 佢哋快跑,到處傷害殘殺;

16 所到嘅地方,留下破壞同悲慘嘅痕跡。

17 佢哋唔知道有平安嘅路;

18 亦唔知道敬畏上帝。」

19 我哋知道,律法嘅命令係向喺律法下嘅人講嘅,等全世界嘅人都伏喺上帝嘅審判之下,使人不能再有乜嘢藉口。

20 因為冇人能靠遵守律法喺上帝面前被宣判為義。律法嘅效法用不過使人知道自己有罪。

上帝稱人為義

21 但現今,上帝已經顯示人點樣稱義;呢啲係同律法冇關係嘅。摩西嘅律法同先知都噉樣見證。

22 上帝稱人為義係因為佢哋信耶穌基督。上帝噉樣對待所有相信嘅人,並冇分別:

23 因為每個人都犯罪,虧欠上帝嘅榮耀。

24 但上帝賜嘅恩典,因基督耶穌釋放佢哋,使佢哋白白得稱為義。

25 上帝不惜犧牲耶穌,藉佢嘅血,使人由信佢而得到赦罪。上帝噉樣做嚟顯明自己嘅公義。因為佢忍耐,寬容人過去嘅罪。

26 但現今,佢以除罪嚟顯明自己嘅公義。噉樣,上帝顯示佢自己係公義嘅,亦使一切信耶穌嘅人得稱為義。

27 噉樣,我哋有乜嘢可誇口嘅呢? 一啲都冇!點解呢?係由於遵守律法咩?唔係!係由於信。

28 我哋嘅結論係:人能稱義淨係因為信,而唔在乎遵守律法。

29 唔通上帝只係猶太人嘅上帝?佢豈唔亦係異邦人嘅上帝咩?係!亦係異邦人嘅上帝。

30 上帝只有一位,佢要猶太人因為信,異邦人亦係因為信而得稱為義。

31 噉樣,我哋嘅信使摩西嘅律法失去效力咩?當然唔係!反轉嚟講,我哋使律法更有效力。