Library · yue

希伯來書 5

1 每個大祭司都係由民間選出嚟嘅;佢嘅任務係替人民事奉上帝,為佢哋嘅罪獻上禮物同祭物。

2 大祭司自己喺好多地方係軟弱嘅,為噉佢能溫和對待嗰啲無知同犯錯嘅人。

3 並且,因為佢自己嘅軟弱,佢當唔只為人民嘅罪獻祭,亦當為自己嘅罪獻祭。

4 冇人為自己攞到做大祭司嘅尊貴地位。惟有上帝選召嘅人致能做大祭司,好似亞倫一樣。

5 同樣,基督冇為自己爭取做大祭司嘅尊貴地位;而係,上帝對佢話:你係我嘅仔;今日我做你嘅父。

6 佢又喺另一處話:你要依照麥基洗德嘅體系永遠做祭司。

7 耶穌在世時,曾向嗰位能救佢脫離死亡嘅上帝大聲禱告,流淚祈求。因為佢謙虛虔誠,上帝聽佢嘅祈求。

8 雖然佢係上帝嘅仔,仍然從佢所受嘅苦難學習順服。

9 既然上帝使佢達到完全嘅地步,佢就為所有服從佢嘅人成為永遠得救嘅根源。

10 上帝宣佈佢依照麥基洗德嘅體系做大祭司。

警誡背道嘅人

11 關於此事,重有好多可以講,但係唔容易對你哋解釋,因為你哋嘅理解力遲鈍。

12 你哋早就應該為人師表,但係你哋竟然仍需要人哋用上帝信息嘅第一課嚟教你哋。你哋仍需飲奶,不能食硬飯。

13 凡係飲奶嘅都係嬰兒,唔會辨別是非。

14 由另一方面嚟講,只有成年人至能食硬飯。佢哋已經有豐富嘅經驗,能辨別好壞。