希伯來書 7
祭司麥基洗德1 麥基洗德係撒冷王,亦係至高上帝嘅祭司。喺亞伯拉罕殺死諸王,從戰場返嚟時,麥基洗德去迎接佢,並為佢祝福。
2 亞伯拉罕將自己所得嘅拎十分之一俾佢。(麥基洗德個名嘅意思最初係「正義嘅王」;後來因為佢係撒冷王,所以又有「和平嘅王」嘅意思。)
3 麥基洗德冇父,冇母,冇身世族譜,亦冇生死嘅記錄。佢同上帝之子相似,永遠做祭司。
4 你哋想吓,佢係幾偉大!族長亞伯拉罕將所有戰利品嘅十分之一俾佢!
5 做祭司利未嘅子孫,照律法嘅規定,向以色列人,佢哋自己嘅同胞,收十分之一,雖然佢哋同樣係亞伯拉罕嘅子孫。
6 但麥基洗德唔屬利未世系,佢從亞伯拉罕收十分之一,並為嗰位領受上帝應許嘅亞伯拉罕祝福。
7 祝福人嘅比受祝福嘅大,呢啲係唔使懷疑嘅。
8 祭司,係收十分之一嘅人;佢哋係會死;但,麥基洗德嚟,收十分之一,佢係仍生嘅,好似聖經所講。
9 我哋可以話,當亞伯拉罕繳納十分之一時,利未亦繳納十分之一(本來利未嘅子孫係收十分之一嘅)。
10 因為,麥基洗德迎見亞伯拉罕時,利未重未出世,但佢已經喺佢祖先亞伯拉罕嘅身體裏。
11 以前頒佈俾以色列人民嘅律法係根據利未祭司嘅制度。噉樣,利未祭司制度嘅工作若係完全,就唔使有另一種麥基洗德─唔係亞倫─制度嘅祭司出現。
12 既然祭司制度改變,律法亦要改變。
13 我哋嘅主,即係現今討論嘅嗰位,係屬另一支派嘅;呢支派從來冇人做過祭司,喺祭壇前供職。
14 我哋嘅主係屬猶大支派;摩西講到祭司時,並冇提起呢支派。
同麥基洗德相似嘅另一個祭司15 現今事情更加明顯,因為另一個好似麥基洗德嘅祭司已經出現。
16 佢成為祭司,唔係由人嘅條例,係由無窮生命嘅大能。
17 因為聖經話:「你要依照麥基洗德嘅體系永遠做祭司。」
18 噉樣,舊嘅條例被廢;因為佢軟弱無能,冇用。
19 摩西嘅律法不能使任何事達到完全。現今我哋有更好嘅盼望,透過佢,我哋可以接近上帝。
20 除此之外,重有上帝嘅誓言,其他祭司被封立時並冇呢種誓言。
21 但係耶穌係透過誓言成為祭司;上帝曾對佢話:主曾發誓,決唔改變心意:你要永遠做祭司。
22 噉嘅分別使耶穌成為更美好約嘅中保。
23 以前好多被立為祭司;因為佢哋都死,不能繼續工作。
24 但耶穌係永活嘅;佢祭司嘅工作唔係由人嚟繼承。
25 佢始終能拯救嗰啲透過佢親近上帝嘅人;因為佢永遠生活,替佢哋祈求上帝。
26 噉樣,耶穌正係我哋所需要嘅大祭司。佢係聖潔,冇過錯,冇罪嘅;佢從罪人中被分別出嚟,提升到諸天之上。
27 佢同其他嘅大祭司唔同,唔需要每日先為自己嘅罪獻祭,然後再為人民嘅罪獻祭。佢係一次;將自己獻上,完成呢件贖罪嘅工作。
28 摩西嘅律法封立唔完全嘅人祭司;但,上帝喺有律法之後,發誓應許,任命佢嘅仔,佢係永遠完全嘅。