啟示錄 22
1 天使又俾我睇見一條生命水嘅河,閃耀好似水晶,由上帝同羔羊嘅寶座流出,
2 通過城中心嘅街道。河嘅兩邊有生命樹,每年結果十二次,每月一次;樹嘅葉能醫治萬國。
3 城中唔再有上帝所咒詛嘅事。城中有上帝同羔羊嘅寶座;佢嘅僕人都敬拜佢。
4 佢哋要朝見上帝,佢嘅名寫喺佢哋嘅額。
5 嗰處唔再有黑夜;佢哋亦唔需要燈光同日光,因為主上帝係佢哋嘅光。佢地哋要做王統治,直到永遠。
耶穌來臨6 天使對我話:「呢啲話係真實可靠嘅。嗰位賜靈感俾眾先知嘅主—上帝打發佢嘅使者,將必好快實現嘅事指示佢嘅僕人。」
7 耶穌話:「睇吓,我必快來!所有遵守書上預言嘅人有福!」
8 我約翰聽聞並且睇見呢一切。我聽聞睇見之後,就俯伏喺指示我呢啲事嘅天使腳前拜佢。
9 但係佢對我話:「千萬唔好!我同你,及你嘅兄弟,眾先知同所有遵守書上嘅話嘅人,都同樣係僕人。你應該敬拜上帝!」
10 佢又對我話:「唔好將書上嘅預言封閉,因為呢一切事情實現嘅時候快到。
11 作惡嘅必然繼續作惡;污穢嘅仍然污穢。行善嘅必然繼續行善;聖潔嘅仍然聖潔。」
12 耶穌話:「睇吓,我必快來!我要帶嚟賞賜,照每人嘅行為賜俾每人。
13 我係阿拉法,我係俄梅咖,我係首先,我係末後,我係開始,我係終結。」
14 嗰啲洗淨自己衣服嘅人有福;佢哋有權食生命樹嘅果,並可以由城門入去城。
15 但嗰啲畜生、行邪術嘅、淫亂嘅、殺人嘅、拜偶像嘅、喺言語同行為虛假嘅人,都留喺城外。
16 「我—耶穌打發我嘅天使,喺各教會向你哋宣佈此事。我係大衛家族嘅後代;係明亮嘅晨星。
17 聖靈同新娘都話:「嚟!」所有聽聞嘅人亦都應聲話「嚟!」嚟喇!口渴嘅人都嚟;所有願意嘅,都可以白白接受生命嘅水。
結語18 我約翰鄭重警告嗰啲聽聞書上預言嘅人:若有人喺預言加添乜嘢,上帝必將書上所寫嘅災難加俾佢;
19 若有人從書上嘅預言刪去乜嘢,上帝必將佢嘅名除去,使佢不能夠享受書上所記載生命樹同聖城嘅福。
20 證明此事嘅話:「係呀,我必快來!」阿們,主耶穌呀!請嚟喇!
21 願主耶穌賜恩典俾眾聖徒!