Library · yue

啟示錄 10

天使同小書卷

1 我又睇見一位大力嘅天使從天降落。佢披住雲,頭上有彩虹;樣以太陽,兩隻腳似火柱。

2 佢手揸住展開嘅小書卷。右腳踏海,左腳踏地。

3 佢大聲呼叫,似獅咆哮噉樣;佢一叫就有七雷發出回響。

4 我正想將七雷所講嘅話寫落,從天上有聲話:「七雷所講嘅,你要嚴守秘密,唔好記錄!」

5 之後,我見過企喺海同地嘅天使向天舉起右手,

6 指住創造天、地、海,同其中萬物,直到永遠嘅上帝發誓話:「唔會再延遲喇!

7 第七位天使吹號時,上帝要實現佢向自己僕人—先知所宣告嘅奧秘。」

8 後來,我先前從天上聽見嘅聲又對我話:「你去,將企喺海同地嘅天使手中展開嘅書卷攞俾我。」

9 我走過去,請天使將小書卷俾我。佢對我話:「你拎嚟食喇!你嘅肚會覺得苦,但喺你口裏要甜到好似蜜。」

10 我從佢手將小書卷接過嚟,食咗,喺我口裏果然甜到好以蜜糖一樣,但係我食完之後,肚裏就覺得苦。

11 天使又對我話:「你必要再次宣佈上帝對各民族、各國、講各種語言嘅人同君王所發嘅預言。」