啟示錄 9
1 第五位天使吹號,我睇見一粒星從天地跌落地。呢粒星得到無底深淵嘅鎖匙。
2 佢開咗無底到無底坑,就有煙好似大火爐嘅煙從坑裏衝出,太陽同天空都因此煙就變黑暗。
3 有蝗蟲由煙裏出嚟,落喺地上;佢哋得到能力,好似地上蠍嘅能力一樣
4 佢哋奉命唔好傷害地上嘅草、樹木,同其他嘅植物,只可以傷害額上冇上帝印記嘅人。
5 蝗蟲無權殺死呢啲人,只可以使佢哋受痛苦五個月。呢種痛苦係好似人被蠍刺傷嘅痛苦一樣。
6 喺呢五個月中,佢哋求死不得,想死又唔死得。
7 蝗蟲樣子好似要打仗嘅戰馬。頭上戴嘅好似金冠冕;樣好似人嘅面。
8 頭髮好似女人嘅頭髮,牙齒好似獅嘅牙齒。
9 佢哋心口掛住嘅,好似鐵甲,佢哋拍翼嘅聲好似好多車馬奔走上戰場嘅聲。
10 佢哋嘅尾巴同刺,好似蠍嘅一樣,係有能力使人受五個月嘅痛苦。
11 有一個王管佢哋;嗰個王係管無底坑嘅天使。佢嘅名希伯來話叫亞巴頓,希臘話叫亞玻倫。(意思係毀滅者)。
12 頭一災難過去;以後重有兩災難要嚟。
13 第六位天使吹號,我聽見有聲由上帝前金祭壇嘅四角發出。
14 對吹號嘅第六位天使話:「將鎖喺伯拉大河嘅四位天使放出嚟!」
15 嗰四位天使就放咗出嚟。佢哋早就被安排好,喺某年、某月、某日、某時,殺死全人類嘅三分一。
16 我聽講騎兵嘅數目有兩億。
17 喺異象中,我睇見嗰啲馬同騎兵。騎兵嘅護胸甲紅得似火,藍得似藍寶石,黃得似硫磺。馬嘅頭似獅嘅頭,從馬口有火、煙,同硫磺噴出。
18 人類嘅三分一被馬口所噴出嘅火、煙,同硫磺三樣災害殺死。
19 馬嘅能力就喺佢哋嘅口同條尾處。佢哋嘅尾似蛇,上面有頭;可以傷害人。
20 其餘未曾喺呢啲災難中被殺嘅人仍然唔悔改,唔拋棄佢哋親手造嘅偶像。佢哋照常拜魔鬼,同金、銀、銅、石、木造不能睇、不能聽、不能行嘅偶像。
21 佢哋殺人、行邪術、淫亂、偷嘢等等,但係亦唔悔改。