Library · yue

啟示錄 15

天使同末後嘅災難

1 我又睇見天上有另一個神秘嘅景象,又大又奇。有七位天使掌管最後嘅七災,因為上帝嘅忿怒喺呢七災裏發盡。

2 我睇見好似有火摳雜嘅玻璃海。我又睇見一啲勝過獸、獸像,同佢名字數目嘅人。佢哋企喺玻璃海邊,拎住上帝俾佢哋嘅琴,

3 唱上帝僕人摩西嘅歌同羔羊嘅歌:主一全能嘅上帝呀,你嘅作為真係偉大奇妙!萬國嘅王呀,你嘅道路真係公義!

4 主呀,邊個敢唔敬畏你?邊個唔讚美你嘅名?因為只有你係神聖嘅。萬國都要嚟喺你面前敬拜,因為你公義嘅作為已經顯現出嚟。

5 此後,我睇見天上嘅聖殿開咗,裏頭有上帝同在嘅聖幕。

6 掌管七災嘅七位天使從聖殿出嚟,穿着光潔嘅麻衣,胸間束住金帶。

7 四生物中有一個將裝滿活到永遠上帝忿怒嘅七個金碗交俾嗰七位天使。

8 聖殿裏充滿從上帝榮耀同權能嚟嘅煙,喺嗰七位天使降完七災以前,冇人能入聖殿。