啟示錄 18
巴比倫嘅覆滅1 此後,我睇見另一位天使從天降落。佢有大權;佢嘅光輝照耀大地。
2 佢大聲叫話:「冧咯!大巴比倫冧咯!佢成為魔鬼嘅居所,邪靈嘅巢穴,污穢可憎之鳥類嘅巢穴。
3 因為列國都飲大淫婦淫亂嘅烈酒,地上眾王同佢行過淫,世上嘅商人從佢嘅淫蕩發咗大財。」
4 我又聽見從天上有聲話:「我嘅子民!你哋要從嗰個城出嚟!免致同佢嘅罪有份,受佢所受嘅災難!」
5 因為佢罪惡滔天,上帝記得佢邪惡嘅行為。
6 佢點樣待你哋,就點樣待佢,照佢所做嘅加倍報應佢。佢點樣調酒俾你哋,就用雙倍濃烈嘅酒倒滿佢嘅杯!
7 佢點樣奢侈,炫耀自己,就點樣折磨佢,使佢受盡痛苦。因為佢不停對自己話:我坐王后嘅位,唔係寡婦,必唔使悲哀!
8 正因為噉,喺同一日之間,災難要臨到佢:有死亡、悲哀、饑荒!佢被火焚燒,因為審判佢嘅主上帝大有能力!
9 同佢緃慾行淫嘅地上眾王睇見燒佢嘅煙就為佢痛哭哀號。
10 佢哋怕睇到佢受折磨,就遠遠企喺處,話:「慘喇!慘喇!嗰個大城。雄壯嘅巴比倫城!唔夠一個鐘頭,你已經遭受懲罰咯!」
11 地上嘅商人亦為佢悲哀痛哭,因為唔再有人買佢哋嘅貨物。
12 冇人買佢哋嘅金、銀、寶石、珍珠;亦冇人買佢哋嘅麻紗、絲綢、高貴嘅紫色同紅色衣料、各種香木、各樣象牙製品、貴重嘅木器、銅器、鐵器,同大理石製品;
13 亦冇人買肉桂、香料、香、香水、乳香、酒、油、麵粉、麥、牛、羊、馬、車、奴隸、靈魂等。
14 商人對佢話:「你所貪愛嘅各種美物都唔見咗;一切榮華富貴都消失,一定唔再見咯!」
15 喺嗰個城做生意、發大財嘅商人,為怕睇到佢受折磨,就遠遠企喺處。
16 佢哋悲哀痛哭話:「慘啦!慘啦!呢個大城!佢一向穿麻紗、高貴大紫大紅衣服,戴住黃金、寶石、珍珠嘅飾物!
17 唔夠一個鐘頭,呢一切財富都喪失!」所有船長、旅客、水手,同所有靠海謀生嘅人都遠遠企喺處。
18 佢哋睇見燒佢嘅煙,就要話:「有邊一座城好似此大城呢!」
19 佢哋將灰塵撒喺自己頭上,哀哭叫話:「慘啦!慘啦!大城呀!嗰啲有船航行喺海上嘅人都靠佢發達!唔夠一個鐘頭,佢所有嘅一切都喪失嘥!」
20 天呀,要歡喜!因為佢已毀滅!眾聖徒、眾使徒眾先知呀,要歡喜!因為上帝已經替你哋伸冤,懲罰佢!
21 跟住,有一位強壯嘅天使舉起一塊似大磨石嘅,扔落海中,話:「大城巴比倫亦要咁大力被扔落去,永遠唔再出現。
22 你一定唔再聽到琴師樂手嘅音樂同吹笛吹號嘅聲。各種手藝嘅技工必唔再遇見;推磨嘅聲亦必唔再聽到!
23 燈光亦唔再發亮;新郎新娘嘅輕言細亦語再聽到。你嘅商人都係世上最有勢力嘅人;世上嘅人亦被你嘅邪術迷惑!」
24 巴比倫受懲罰,因為喺此城裏發現先知同聖徒嘅血,所有喺地上被殺嘅人嘅血都喺此城裏發現。